കുറേ നാളുകളായി സൂര്യനമസ്കാരം ചെയ്തിട്ട് .... ഇന്ന് തുടങ്ങണം നാളെ തുടങ്ങണം എന്നൊക്കെ കരുതി ഇരിക്കുമ്പോഴാ യോഗാദിനാചരണവുയുമായി ബന്ധപ്പെട്ട് സൂര്യനമസ്കാരം എന്ന യോഗാ പ്രക്രിയയെ കേന്ദ്രം അങ്ങട് ഒഴിവാക്കി എന്നറിഞ്ഞത്. പുനരാരംഭിക്കാൻ പറ്റിയ ദിനം എന്ന് സ്വയം മനസ്സിലാക്കി നല്ല രീതിയിൽ മന്ത്രം ജപിച്ച് നല്ല രീതിയിൽ സൂര്യനമസ്കാരം ചെയ്തു.
എതിർപ്പ് സംഘടനകൾക്ക് ഇന്ന്, ഇപ്പോൾ, ഈ നിമിഷം തന്നെ സൂര്യനമസ്കാരം നിരോധിക്കണം എന്നതിന്റെ ചേതോവികാരം മനസ്സിലാവുന്നില്ല. ഇന്നോ ഇന്നലെയോ ഉടലെടുത്ത യോഗാ പ്രക്രിയ അല്ലല്ലോ ഈ സൂര്യനമസ്കാരം. കാലാകാലങ്ങളായി നിലനിൽക്കുന്ന 12 യോഗാസനങ്ങളുടെ ഒരു കൂട്ടാണ് സൂര്യനമസ്കാരം. ശാരീരികവും മാനസികവുമായി ഗുണഗണങ്ങൾ ഒത്തിരി ഉള്ള യോഗാപ്രക്രിയ. ഏവർക്കും അറിയാം കൂടാതെ ജാതിമത ഭേദമന്യേ അനുഷ്ടിച്ചുകൊണ്ടിരിക്കുകയും ചെയ്യുന്നു.
കേട്ട പാതി കേൾക്കാത്ത പാതി സൂര്യനമസ്കാരത്തെ അന്ഗീകരിക്കാൻ പറ്റാത്തവർ ഇന്ത്യവിടണമെന്ന് മന്ത്രി ആദിത്യനാഥിന്റെ പ്രസ്ഥാവനയും.എതിർപ്പൻമാരുടെയും അനുകൂലരുടെയും ഇത്തരം വർഗ്ഗീയ ചിന്താഗതികൾക്കൊന്നും ഒരുത്തരവുമില്ല. മാറ്റമുണ്ടാകാൻ പോകുന്നുമില്ല. ഒന്ന് തീരുമ്പോൾ പൊട്ടാൻ പാകത്തിന് മറ്റൊന്നുണ്ടാവും എന്നതുറപ്പ്.
എന്തായാലും നിർബന്ധം ഒന്നിലും പാടില്ല...അനുഷ്ടിക്കുന്നവർ അത് തുടരട്ടെ.. നിർദോഷകരമായ കാര്യങ്ങളിൽ എന്തിനീ കോലാഹലങ്ങൾ.
