ചാനലുകളിലെങ്ങും സ്ത്രീ വിരുദ്ധത ഒരു ദിവസം കൊണ്ട് സ്ത്രീ എന്ന വിഭാഗത്തെ ഭൂമുഖത്ത് നിന്ന് നുമ്മളെല്ലാരും കൂടി ഇല്ലാണ്ടാക്കിയ പോലെ വിഷയം മനസ്സിലാക്കാതെ ഏതപ്പാ കോതമംഗലം എന്ന മട്ടിൽ ഏറ്റുപിടിക്കാൻ കുറെ പിണിയാളുകളും...
ഇവിടെ ശ്രീദേവി എന്നവിവർത്തക അപഹാസ്യയായ് എന്ന് സ്വയം കരുതി, എഴുത്തുകാരി എന്നതിൽ നിന്നും തരം താണ് സുപ്രഭാതത്തിൽ വർഗ്ഗീയമായ രീതിയിൽ സോഷ്യൽ മീഡിയയിൽ ഒരു പോസ്റ്റിട്ടു..ഞാൻ തന്നെ സത്യം എന്ന് അടിച്ചേൽപ്പിക്കും വിധം ചാനൽ ഷോ നടത്തി. ഏതോ മൂലയിൽ നിന്ന മ്മടെ കർത്താ അങ്ങനെ വൈറലായ് താരമായ് എന്താല്ലേ? പാവം ജോണിച്ചായനെ തലങ്ങും വിലങ്ങും ചോദ്യം ചെയ്ത് ചാനൽ ശിരോമണികൾ വിവർത്തകയെ വിളിക്കാത്തതിലുള്ള ഖേദം പ്രകടിപ്പിച്ചു. വിഷയം മോഡി എഫക്റ്റ് എന്ന നിലയിൽ വരെയെത്തി. എന്താ ചെയ്ക?? വിരുദ്ധത കൽപ്പിക്കുന്ന ഒരു സ്ത്രീ സമൂഹമിവിടുണ്ടെങ്കിൽ അബലകളായ സ്ത്രീകളുണ്ടെങ്കിൽ അവർക്കുവേണ്ടി അവരിലേക്കിറങ്ങി പ്രവർത്തിക്കുകയാണ് ഈ അഭിനവ ഫെമിനിസ്റ്റ് കൊച്ചമ്മമ്മാർ ചെയ്യേണ്ടത് . നിസ്വാർത്ഥ സേവനം.. അല്ലാതെ സമരവും ഘോരഘോര പ്രസംഗങ്ങളുമല്ല ആവശ്യം.'
ഭാരത സ്ത്രീ തൻ ഭാവശുദ്ധി'യെ കളിയാക്കി പരിഹാസ്യ പോസ്റ്റുകൾ വാരി വിതറി സ്ത്രീ എന്ന സുന്ദര സങ്കൽപ്പത്തെ വികലമാക്കുന്ന ന്യൂ ജൻ കൊച്ചമ്മമ്മാരുടെ ഫെമിനിസ്സ്റ്റുകളുടെ കാലം.
പണ്ടത്തെ തൊട്ട് തീണ്ടലും മാറൂമാറക്കലും മറ്റും പ്രതിപാദ്യ വിഷയമാക്കി തുണിയുരിയുന്ന ചുംബന സ്വാതന്ത്രത്തിനായ് ദാഹിക്കുന്ന സ്വന്തം നഗ്നഫോട്ടോ ഒരുളുപ്പുമില്ലാതെ സോഷ്യൽ മീഡിയയിൽ പോസ്റ്റുന്ന കൊച്ചമ്മമാരുടെ കാലം.
സ്ത്രീക്കും പുരുഷനും തുല്ല്യ പ്രാധാന്യം ഇന്നീ സമൂഹം കൊടുക്കുന്നുണ്ട്. കൂടുതൽ സ്ത്രീക്ക് തന്നെ എന്ന് പറയാം. ഇല്ലെന്ന് പറഞ്ഞ് മുറവിളി കൂട്ടുന്നത് കുടുംബ ബന്ധത്തിന് പോലും വില കൽപ്പിക്കാത്ത ഫെമിനിസ്റ്റ് കൊച്ചമ്മമ്മാരാണ് .. ഇവർ തന്നെയാണ് സ്ത്രീക്കും സ്ത്രീത്വത്തിനും വരെ വിലങ്ങുതടിയായ് വർത്തിക്കുന്നത്.
സ്വാതന്ത്രം കൂടി എല്ലിനിടയിൽ കേറിയിട്ടുള്ള ഒരു തരം നെകളിപ്പ്. സ്വാതന്ത്രം കൂടി എല്ലിനിടയിൽ കേറിയിട്ടുള്ള ഒരു തരം നെകളിപ്പ്. ഇവരടങ്ങില്ല പലതിന്റേയും മറ പിടിച്ച് ഇനിയും പല കളികൾ നമുക്ക് കാണിച്ചു തരും.
സ്ത്രീത്വമേ സൂക്ഷിക്കുക നിങ്ങൾ.
No comments:
Post a Comment