'ഗോമതി' പറഞ്ഞ തോട്ടം മേഖലയിലെ തൊഴിലാളികളുടെ പ്രശ്നങ്ങൾ ഇന്നും ഇന്നലെയും തുടങ്ങിയതല്ല. ഈ പറഞ്ഞ തൊഴിലാളി സംഘടാനകൾക്കെല്ലാം 'പൊമ്പിള ഒരുമൈ' ക്ക് ശേഷമാണോ അവരുടെ ആവലാതികൾ തീർക്കണം എന്ന ബോധ്യം വന്നത്.
കഷ്ടം തന്നെ..
പുഷ്പങ്ങൾ വിരിയുന്നപോൽ പുതുപാർട്ടികളുടെ ഉദയം സ്വാഗതാർഹം.
മാറ്റം നല്ലത് തന്നെ..സ്വാഗതം പക്ഷേ നാം അനുഭവിച്ചതും അനുഭവിച്ചുകൊണ്ടിരിക്കുന്നതും ഒന്നളന്നാൽ മാറ്റങ്ങളൊന്നും ജനനന്മ ലാക്കാക്കിയല്ലെന്നത് സത്യം.
"പ്രകൃതിയെ നശിപ്പിച്ച് ഫ്ലാറ്റുകളും വില്ലകളും ഉയർന്ന് പൊന്തുമ്പോൾ
തലചായ്ക്കാനൊരു കൂര തേടി പട്ടയത്തിൻ പുറകേ അലയുന്നവർ"
"ഫാഷനും മറ്റുമായി ഉടുതുണിയുരിയുന്ന ഒരു വിഭാഗം അരങ്ങ് വാഴുമ്പോൾ
ഉടുതുണിക്ക്‌ മറുതുണിയില്ലാതെ മറഞ്ഞു നിൽക്കുന്നൊരു ജനത മറുഭാഗത്ത്"
"ഒരു ഭാഗത്ത് സൗന്ദര്യം നിലനിർത്താൻ ഭക്ഷണം നിയന്ത്രിക്കുമ്പോൾ
അതാ, സ്വന്തം ജീവനേക്കാൾ മക്കളുടെ ജീവൻ നിലനിർത്താൻ ഒരു നേരത്തെ ഭഷണത്തിനായ് കേഴുന്നവർ"
സമരം തന്നെ സമരം നിലനിൽപ്പിന് വേണ്ടിയുള്ള സമരം..
ആർക്ക് വേണ്ടി?? കഷ്ടപ്പെടുന്ന ജനതക്ക് വേണ്ടിയല്ല പാർട്ടികളുടെ നിലനിൽപ്പിന് വേണ്ടി.
പറഞ്ഞാൽ തീരാത്തത്ര പരാധീനതകളുണ്ട് നമ്മുടെ നാടിന്...
എന്നാലും വികസനം എന്ന നാലക്ഷരം ഉളുപ്പില്ലാതെ ഉയർത്തിപ്പിടിക്കും ഈ രാഷ്ട്രീയപേക്കോലങ്ങൾ... എന്തിന് ?? വൃത്തിയും വെടിപ്പുമായ് 'അഴിമതി' എന്ന സുരക്ഷിത, അംഗീകൃത വലയത്തിലൂടെ സ്വന്തം കീശ വീർപ്പിക്കാൻ.
"പാർപ്പിടം, വസ്ത്രം, ഭക്ഷണം എന്നീ അടിസ്ഥാന തത്വങ്ങൾ നടപ്പിൽ വരുത്താൻ കഴിയാത്ത ഒരു രാഷ്ട്രീയ പാർട്ടിയേയും നെഞ്ചോട് ചേർക്കേണ്ട ആവശ്യമില്ല നമുക്ക്"
