ഏവർക്കും ഹൃദയം നിറഞ്ഞ ഓണാശംസകൾ

 

മുക്കുറ്റി, തുമ്പപ്പൂ, കാക്കപ്പൂ അങ്ങനെ നന്ത്യാർവട്ട പൂ വരെയുള്ള പൂക്കളാൽ ചാണകം മെഴുകിയ മുറ്റത്ത് അന്ന് നാം വിരിയിച്ചിരുന്ന ഓണപ്പൂക്കളങ്ങൾക്ക് നന്മയുടെ നിഷ്കളങ്കതയുടെ നിറം ഉണ്ടായിരുന്നു...നല്ല സുഗന്ധമുണ്ടായിരുന്നു. ഓണസദ്യയുടെ, ഓണക്കൊടിയുടെ മധുരത്തേക്കാൾ കൂട്ടുകാരുമൊത്തുള്ള കളികൾ തന്നെയായിരുന്നു മധുരതരം...

ശുദ്ധ കോമാളിത്തം തുളുമ്പുന്ന ന്യൂ ജൻ ആഘോഷങ്ങൾ പൊടിപൊടിക്കുമ്പോഴും... ആ പഴയ കാലഘട്ടത്തിന്റെ സുഗന്ധം, നിറം ഒട്ടും ചോരാതെ .. അത്തം മുതൽ പത്ത് വരെയുള്ള നാളുകൾ ചൊല്ലി.. ഓണവുമായി ബന്ധപ്പെട്ടതെല്ലാം സ്വന്തം കുഞ്ഞിന് പറഞ്ഞു കൊടുക്കാൻ കഴിയുന്നു എന്നതിന് ആ കാലഘട്ടത്തോട്, കാരണവന്മാരോട്, അച്ഛനമ്മമാരോട് നന്ദി പറയുന്നു.

                                       ഏവർക്കും ഹൃദയം നിറഞ്ഞ ഓണാശംസകൾ

"ഷൂട്ട്‌ അറ്റ് സൈറ്റ്"

എന്തിനെന്നറിയാതെ ആരുടെയൊക്കെയോ ജൽപ്പനങ്ങളിൽ മയങ്ങി ചാവേർ ആകുന്നവർ...കോടാനുകോടി ജനങ്ങളുടെ ശാപം മാത്രം നേടി അവർ.

ഉത്തരവാദിത്ത്വം ഏറ്റെടുക്കാൻ മത്സരിക്കുന്ന സംഘടനകൾ.. പക്ഷേ അവരെ നിശ്ശേഷം ഇല്ലാതാക്കാൻ ഒരു മത്സരവുമില്ല

കഴിഞ്ഞനാൾ ഇവിടെയും പൊട്ടിത്തെറിച്ചു ഒരു ചാവേർ... കൊണ്ടുപോയ് കുറേ മനുഷ്യജീവനുകളെ...

പക്ഷേ പ്രവാസലോകം അവരവരുടെ തൊഴിലിൽ വ്യാപൃതരാണ്..അല്ലാതെ അവിടെയും ഇവിടെയും പൊട്ടുന്നത് കണ്ട് ഭയചകിതരാകാൻ നേരമില്ല..

ചോര കണ്ട് വിറങ്ങലിക്കാത്ത പ്രിയ ചാവേർ സോദരരേ....
ഒരുപാട് പേരുടെ ജീവിതമാണ് കൈവെള്ളയിൽ ഞങ്ങൾക്ക് ജീവിച്ചേ മതിയാകൂ...

നുമ്മടെ പുതിയ കസബിന് ഹിന്ദുക്കളെ കൊന്നൊടുക്കുന്നതിലാണ് രസമെങ്കിൽ.....ലോകജനതയെ തന്നെ ചുട്ടെരിക്കാൻ രസക്കൂട്ടൊരുക്കി ഒരുങ്ങിയിറങ്ങിയിരിക്കുന്നു ഭീകരസംഘടനകൾ.... എന്ത് രസമാണോ ഇവർക്ക് കിട്ടുന്നത് ?? കൊല്ലുന്നത് ഒരു രസമാണെന്ന് പറയുന്നവനെയൊക്കെ "ഷൂട്ട്‌ അറ്റ് സൈറ്റ്" അല്ലാതെ വാദവും പ്രതിവാദവുമായ് ഇവനുവേണ്ടിയൊക്കെ സമയം കളയരുത്...തീറ്റിപ്പോറ്റരുത്.

ഗദ്ഗദങ്ങൾ.... നാം ഇരുട്ടിലേക്ക്

ഓർമ്മകൾക്ക് മങ്ങലേൽക്കാത്തവിധം 

സ്നേഹബന്ധങ്ങൾക്ക് അകലം സംഭവിക്കാത്ത വിധം പായുമ്പോഴും

അറിയുന്നു ഞാൻ, ബന്ധങ്ങളും ഓർമ്മകളും എന്നെവിട്ടകലുകയാണെന്ന്.....

എവരുമെന്നെ,ഇരുൾമൂടിയ മനസ്സിന്നുടമയാക്കിയെന്ന്..

വെളിച്ചം പോലും വർഗീയതയിൽ മുങ്ങിയിരിക്കുന്നു... അല്ല മുക്കിയിരിക്കുന്നു...

അതിനെ ആളിക്കത്തിക്കാൻ ചർച്ചയും മറ്റുമായി ചാനൽശിരോമണികൾ..
ഇരുട്ടിനെ വിളിച്ചോതി വാഗ്വാദത്തിലേർപ്പെടുന്ന ഈശ്വരവാദികളും നിരീശ്വരവാദികളും.

ആരും കൃത്യമായി അനുഷ്ടിക്കുന്നില്ല എന്നതാണ് നഗ്നസത്യം...ചുമ്മാ കാണിച്ചു കൂട്ടലുകൾ..സാക്ഷാൽ പ്രപഞ്ച സത്യത്തെ പറ്റിക്കൽ...
ദൈവത്തിന് പോലും നാണം തോന്നുന്ന വിധമുള്ള ജൽപ്പനങ്ങൾ..
ആചാരത്തെ വിശ്വാസത്തെ അതിന്റെ വഴിക്ക് വിട്ടേക്കൂ... കൂടെ ദൈവത്തേയും..

"മനുഷ്യൻ മനുഷ്യനെ അറിഞ്ഞ് മനസ്സിനെ മലീമസമാക്കാതെ ജീവിച്ചോണ്ടാൽ മതീ"ന്ന് അശിരീരി.

ദൈവ സന്നിധി പൂകാൻ വാദപ്രതിവാദങ്ങൾ, അടിപിടി നടത്തേണ്ട ആവശ്യമില്ല. ദൈവത്തിന് അന്ധമായ ഒരു പ്രാർത്ഥനയും ആവശ്യമില്ല... അതുപോലെ മഹത്വം ആരിലും അടിച്ചേൽപ്പിക്കണ്ട കാര്യവുമില്ല. നാം ഇരുകാലികൾ ചെയ്യുന്ന നല്ലതും ചീത്തയുമായ എല്ലാ ചിന്തകളും പ്രവർത്തികളും പുള്ളി കാണുന്നുണ്ട്...

അതിനാൽ ഒന്നുകൊണ്ടും പേടി വേണ്ടാ... "കിട്ടും" അങ്ങ് ചെല്ലുമ്പോൾ കാണിച്ചു കൂട്ടിയ എല്ലാ തോന്ന്യാസങ്ങൾക്കും, നല്ലതിനും കണക്കിന് പണി..പ്രതിഫലം. ഉറപ്പ്...

‪#‎ദൈവം‬ :ഹേ മനുഷ്യാ, നീ ഞാനാലും തിരുത്തപ്പെടില്ലെന്നെനിക്ക്‌ കാണിച്ചു തന്നു... നിന്നെ ഓർത്ത് സഹതാപമില്ല..ഒരിറ്റ് കണ്ണുനീർ പോലുമില്ലെൻ കണ്ണിൽ......അത്രമേൽ വെറുക്കുന്നു.