ഒരു ചെറു നൊസ്റ്റാൾജിയ

കണ്ണിന് വല്ലാത്ത കിരുകിരുപ്പ്‌ വല്ല കണ്ണ് സൂക്കേടും (ചെങ്കണ്ണ്‍) ആണോ??

ഹും.. എങ്ങനെ വരാതിരിക്കും വെളുപ്പാൻ കാലം തൊട്ട് പാതിരാ വരെ എഫ് ബി പണി അല്ലേ? പക്ഷേ ഈ കിരുകിരുപ്പ്‌ എന്നെ എന്റെ കുട്ടിക്കാലത്തേക്ക് കൊണ്ട് പോയി ട്ടാ . അന്ന് എൻ കണ്ണിൽ ഇറ്റുവീണത് ഇന്നത്തെപ്പോലെ മരുന്നു തുള്ളികൾ ആയിരുന്നില്ല, "നന്ത്യാർവട്ടപ്പൂവിൻ നീരും / ദേവയാനിയുടെ മുലപ്പാലും". ശരിക്കും ദിവ്യമായ ഔഷധങ്ങൾ.

ഇന്ന് നന്ത്യാർവട്ടപ്പൂവുകൾ കാണ്മാനില്ല ഉണ്ടെങ്കിൽ തന്നെ മരുന്നുതുള്ളികൾ മതി എല്ലാവർക്കും. പിന്നെ മുലപ്പാൽ, കുഞ്ഞുങ്ങൾക്ക്‌ നേരാവണ്ണം മുലയൂട്ടാത്ത അമ്മമാരുടെ നാടാണ് പിന്നെയാ കണ്ണിൽക്കടി മാറ്റാൻ മുലപ്പാൽ ഇറ്റിക്കുന്നത്? നല്ല കാര്യായി.